2022
شیخوپورہ کا قلعہ مغل شہنشاہ جہانگیر کے دور میں تعمیر ہوا۔ اگرچہ اس دعوے کو تقویت دینے والے کوئی حتمی شواہد موجود نہیں ہیں تاہم صرف اتنا پتا چلتا ہے کہ تُزک جہانگیری کے مطابق شہنشاہ جہانگیر نے 1607 میں شکار کے لئے ہرن مینار پر قیام کے دوران سکندر معین کو ایک قلعہ تعمیر کرنے پر معمور کیا ۔
شیخوپورہ شہر کے جنوب میں واقع یہ عظیم الشان قلعہ مغلیہ طرز تعمیر کا عمدہ شاہکار ہے جو ایک چبوترے پر تعمیر کیا گیا ہے۔ بھاری بھرکم فصیلوں میں گھرا ہوا یہ قلعہ تعمیر کے وقت 64 کنال 13 مرلے کے رقبے پر مشتمل تھا بعد میں آنے والے حکمران اسے وسعت دیتے رہے۔ قلعہ کے اندر داخل ہوں تو دونوں جانب برج دکھائی دیتے ہیں جن کے نیچے تہہ خانے ہیں۔ کھڑکیوں میں پتھر کی جالیاں لگی ہوئی ہیں۔ بائیں جانب ایک کنواں موجود ہے۔ کنویں کی چوڑائی 8 فٹ اور گہرائی 58 فٹ ہے۔ برج کے ساتھ محافظوں اور سپاہیوں کے کمرے تھے جن کے اب صرف آثار باقی رہ گئے ہیں۔ قلعہ شیخوپورہ صوبہ پنجاب کے صدر مقام لاہور سے 35 کلومیٹر کے فاصلے پر واقع ضلع شیخوپورہ میں موجود ہے۔ شیخوپورہ کو ضلع کا درجہ 1922ءمیں دیا گیا۔ پنجابی زبان کا شیکسپیئر کہلانے والے مشہور پنجابی شاعر وارث شاہ نے اپنی مشہور لوک داستان ہیررانجھا شیخوپورہ کے گاوں جنڈیالہ شیر خان میں مکمل کی۔ ہرن مینار اور بارہ دری بھی شیخوپورہ میں واقع ہیں۔ قلعہ میں موجود تہہ خانوں کی چھتیں ڈاٹ دار اور گنبد نما ہیں۔ ہوا اور روشنی کے لئے 11 کھڑکیاں ہیں۔ تہہ خانوں کی چوڑائی 10 فٹ ہے۔ قلعے کی ڈیوڑھی سے آگے 14 فٹ چوڑا اینٹوں سے بنا راستہ ہے۔ اس راستے کے مغربی طرف ملازمین کے کمرے ہیں۔
قلعے میں موجود شاہی محل جسے جہانگیر محل کہا جاتا ہے، کے کچھ حصے گر چکے ہیں۔ لیکن اس کا زیادہ تر حصہ محفوظ ہے اور صدیاں گزر جانے کے باوجود اس کی عظمت، خوبصورتی اور جلال باقی ہے۔ دیواروں پر خوبصورت منقش تصاویر اب بھی موجود ہیں۔ ان پر فارسی اشعار کی خطاطی دلکش ہے۔ دیواروں پر
موجود نقش و نگار سیاحوں کو حیرت زدہ کر دیتے ہیں۔ کہا جاتا ہے کہ قلعہ کے شمال مغربی برج کے اندر سے ایک سرنگ ہرن مینار تک جاتی تھی۔ اس کے صحیح مقام کا تعین تو نہیں ہو سکا لیکن قریبی آبادی میں کھدائی کے وقت ایسے آثار ملے جن سے اندازہ ہوتا تھا کہ نیچے کوئی دیوار ہے جس کا رُخ ہرن مینار کی طرف ہے۔
آپ نے ہم سے ہمارے بیٹے کو چھین لیا ہے۔ اس خدا کے نام پر کہ جس کی آپ عبادت کرتے ہیں اور اس بادشاہ کے نام پر کہ جس کا آپ نمک کھا رہے ہیں ہمیں ہمارا بیٹا واپس کر دیں۔ ہم سے اس کی جدائی برداشت نہیں ہوتی۔ ہم شیخوپورہ میں رہیں گے لاہور نہیں جائیں گے۔ ہمارے بیٹے کو ہمارے پاس بھیج دیں۔ ہم آپ کے پاس
لاہور صرف ان دنوں میں آئیں گے جب آپ دربار لگائیں گے۔ اس دن ہم اسے بھیج دیں گے۔ ہمارے ساتھ سخت ناانصافی کی گئی ہے ہمارے بیٹے کے ساتھ سخت نا انصافی کی گئی ہے۔ آپ نے وہ سب مان لیا جو دوسرے لوگوں نے کہا لیکن اب اس ظلم کو بند کریں کیوں کہ پہلے ہی بہت ہو چکا ہے۔ مہارانی کو 15مئی 1848 کی سہ پہر کو قلعے سے نکال کر باقی ماندہ زندگی بسر کرنے کے لئے پہلے نیپال اور اس کے بعد لندن جلا وطن کر دیا گیا۔ مہارانی کی شیخوپورہ کے قلعے میں دس ماہ کی نظر بندی کے دوران برطانوی راج نے اس کے ہاتھ سے اس کے شوہر کی شاہی اور اس کے بیٹے کو چھین لیا۔ پنجاب کے ساتھ ساتھ پورے انڈیا اور یہاں تک کہ ہمسایہ ملک افغانستان پر قلعے کے طاقتور اثر کا اندازہ اس حقیقت سے لگایا جا سکتا ہے سکھ شاہ نے بھارت کے مغربی بارڈر کے اداراتی شکل اختیار کرنے میں اور دفاع میں قابل ذکر کردار ادا کیا اور اس پہلو سے دہلی تک تعلقات معمول پر آئے۔ تصاویر کے رنگوں میں ابھی بھی جان ہے لیکن حویلی اپنے وجود کے آخری کنارے تک پہنچ گئی ہے اور اسے گرنے کے خطرے کی وجہ سے عوام کے لئے بند کر دیا گیاہے۔
علی ساجد