श्री चौराई देवी मंदिर – निसर्गाच्या सान्निध्यातील सुंदर ठिकाण 
श्री चौराई देवी मंदिराला भेट देण्याचा अनुभव खूप छान होता.
Location: Chaurai Devi Location Link
मंदिराकडे जाणारी झाडांच्या सावलीतून जाणारी पाऊलवाट, आजूबाजूची हिरवीगार झाडे आणि शांत वातावरण मनाला प्रसन्न करते.
उन्हाळ्यातही या परिसरात झाडांमुळे बऱ्यापैकी सावली मिळते.
डोंगराच्या एका बाजूला मुंबई-पुणे एक्सप्रेसवे, तर दुसऱ्या बाजूला जुना मुंबई-पुणे महामार्ग दिसतो.
पाऊलवाटेच्या कडेला विविध प्रकारची नवीन झाडे लावण्यात आली आहेत. पर्यावरण संवर्धनासाठी केलेले हे प्रयत्न कौतुकास्पद आहेत.
मंदिराकडे जाण्यासाठी पक्क्या रस्त्याऐवजी पाऊलवाट आहे. परिसरात ठिकठिकाणी वेगवेगळे फलक लावलेले असल्यामुळे मंदिरापर्यंत पोहोचणे सोपे होते.
पर्यावरण संवर्धनाचे संदेश देणारे फलकही लक्ष वेधून घेतात.
तसेच सौरऊर्जेवर चालणाऱ्या दिव्यांची व्यवस्थाही दिसून येते.
अंतर आणि पायी चालण्याचा अंदाज :
- पुणे रेल्वे स्टेशनपासून डोंगराच्या पायथ्यापर्यंत साधारण 32 किमी अंतर.
- मंदिरापर्यंत पोहोचण्यासाठी नवख्या व्यक्तीला पायी साधारण 30 मिनिटे लागतात.
- मंदिरापासून डोंगराच्या माथ्यापर्यंत पोहोचण्यासाठी नवख्या व्यक्तीला साधारण 10 मिनिटे लागतात.
पर्यटकांसाठी काही सूचना :
- परिसर स्वच्छ ठेवावा.
- प्लास्टिक किंवा कचरा टाकू नये.
- झाडांचे आणि नैसर्गिक अधिवासाचे संरक्षण करावे.
- पाण्याची बाटली आणि खाण्यासाठी काही पदार्थ सोबत ठेवावे.
- मंदिरातील धार्मिक नियमांचे पालन करावे.
धावपळीच्या जीवनातून थोडा वेळ निसर्गाच्या सान्निध्यात घालवण्यासाठी हे ठिकाण नक्कीच छान आहे.
श्रद्धा, निसर्ग आणि शांतता यांचा सुंदर संगम!