Адметнай рысай гарадоў, якія атрымлівалі Магдэбургскае права, і своеасаблівым сімвалам гарадской свабоды з’яўлялася ратуша. Ратуша - орган гарадскога (пасадскага) кіравання і самакіравання; назва будынка, дзе гэты орган засядае.
Ратуша пабудавана ў гатычным стылі. Вежа датуецца XIII стагоддзем, сам жа будынак прыбудовы быў завершаны да XV стагоддзя. Пасля землятрусу 1599 года Ратуша была рэканструявана ў стылі рэнесанс, а пасля пажару ў XVIII стагоддзі былі дададзены элементы барока. У 1809 годзе пры наступленні арміі Напалеона ў Ратушу трапіла гарматнае ядро, якое захоўваецца ў будынку да гэтага часу. У 1912 годзе да вежы Ратушы было прыбудавана крыло, якое спалучала стылі неаготыкі і неарэнесансу.
У канструкцыю Ратушы ўключаны чатыры розныя дамы, вядомыя пад назвай: дом Якава, дом Павера, дом Унгера і палац Апоніха. Ратуша выкарыстоўвалася як месца для гарадской рады ў XV-XIX стагоддзях. Таксама ў будынку ў розныя часы знаходзіліся архіў, манетны двор і турма. Цяпер у Старой ратушы размешчаны музей. Сярод экспанатаў музея асаблівую ўвагу прыцягваюць даспехі і зброю эпохі сярэднявечча, інструменты для катаванняў, мініяцюры і карціны, а таксама гарматнае ядро - гістарычны след знаходжання войскаў Напалеона Банапарта ў далёкім 1809 годзе.
Па легендзе, калі гарадскія ўлады вырашылі ўзвесці Гадзінную вежу, яны звярнуліся да мясцовых жыхароў з просьбай дапамагчы з фінансамі, бо гадзіннік усім патрэбны. Аднак жыхары яўрэйскага квартала, які знаходзіўся за крапасной сцяной, заявілі, што яны не маюць да горада ніякага дачынення і грошы здаваць не збіраюцца. Гадзінная вежа была ўзведзена, у ёй быў устаноўлены гадзіннік з чатырох бакоў, але гадзіннік, які глядзеў на яўрэйскі бок, апынуўся без стрэлак!
Усё, што звязана з легендамі і міфамі, заўсёды вельмі цікава. Уся турыстычная індустрыя накіравана на прыцягненне турыстаў. Легенды і міфы з’яўляюцца адной з складаючай стратэгіі прыцягнення турыстаў у гарады і краіны. Мы калі падарожнічаем, то абавязкова кагосьці абыдзем тры разы, кагосьці патром, куды-небудзь кінем манеты, у пэўнай позе загадаем жаданне і г.д., а гэта ўсяго толькі легенды і міфы, але мы ў іх верым і верым у тое, што нашы жаданні спраўдзяцца, таму што мы зрабілі менавіта так, як абвяшчаюць легенды…
З вамі складана не пагадзіцца, шарм Браціславы зачароўвае. У Браціславе цалкам захаваўся аўтэнтычны гістарычны цэнтр, што з’яўляецца рэдкасцю для еўрапейскіх гарадоў, па якіх пракацілася Другая сусветная вайна і пакінула пасля сябе руіны. Браціслава - гэта шматлікія гістарычныя помнікі, музеі, пейзажныя паркі, мноства ўтульных недарагіх кафэ, рачныя прагулкі па казачна прыгожым Дунаі.
Чэхія, Локет
Фінляндыя, Турку
Польшча, Беласток
