Музычны каляровы фантан
Музычны каляровы фантан абсталяваны ў 2011 годзе і дзейнічае з ранняй вясны да першых замаразкаў з 10.00 да 23.00 гадзін.
Кожную гадзіну выконваецца адзін твор са спіса, у якім больш за 100 мелодый.
Шоу танцуючых каляровых фантанаў - захапляльнае відовішча! Музычны каляровы фантан аб’яднаў у сабе дзве традыцыі мінулага. У XIX - першай палове ХХ стагоддзяў у парку стала гучала музыка. Публіку ля вады забаўлялі аркестры з Вільні, Гродна, Варшавы, Берліна, а ў 1954 годзе на тым жа месцы быў устаноўлены фантан са скульптурамі.
Сёння фантан- гэта музычная, водная і каляровая тэрапія, якая гарантуе добрае самаадчуванне і настрой.