ركبت التاكسي مع واحد يقرب لل ٤٠ ، مكنتش مركز مع اى حاجة كنت ماسك الموبايل بقلب فيه ، برفع عينى بالصدفة لقيت ع الطابلوة قدامة فستان وردى محطوط ف كيسة من المربعة دول ومحطوط فوقها المصحف ، بس الكيسة شكلها يقول انها مش جديدة وانها محطوطة من فترة ، ف الراجل اخد بالة اننى ببص ع الكيسة وبحاول اعرف اية اللى جواها ، فرجعت بصيت ف الموبايل وانا ساكت ، قاللى عارف يابني
" دا فستان بنتى رحيق ، قولتلة اللَّة اسمها حلو ربنا يخليهالك ، قاللى ويخليك لاهلك ويخلى كل البنات والشباب لاهلهم وميوجعش قلب حد على ضناة ابداً زى ما وجع قلبى على بنتى ، فانا تنحت شوية والافكار البشعه كلها بدأت تيجى ف دماغى ، قاللى انت اتخضيت كدا لية ، الفستان دا كنت جايبة ل رحيق عشان حفلة تخرج بتاعت الحضانة ، جت قالتلى يا بابا محمد انا عاوزة فستان زى امل وسارة عشان الحفلة بتاعت الحضانة وتوك جديدة وجزمة ، بس احنا كنا اخر الشهر وانا مكنش معايا فلوس قلت هجبهملها اول الاسبوع ، ولما جة اول الاسبوع رحت جبتهم وكنت طول الطريق متخيل شكلهم عليها وهى بتجرى وتقوللى هبقى احسن واحدة ف الحفلة والمس هتقولهم صقفوا ل رحيق ، بس روحت البيت لقيت امها مقبلانى مبتردش بقولها مالك. اية مردتش دخلت لقيت ملاك ع السرير مغطينة ، وعمى طالع من الاوضة بيقوللى شد حيلك رحيق ف ذمة الله ، يومها اتصلت بمستشفى قولتلهم تعالوا خدوا عمى لانة اتجنن ومراتى تهدينى وناس كتير معرفهمش وانا واقف اقولها يلة قومى البسى الفستان يلة قومى عشان تاخدى الهدية ، طاب قومى هفسحك ، بنتى ماتت من سنتين ولحد النهاردة عايشة جوايا والفستان مكانة من يومها عشان هتبقى فرحانة اننى بشوفها فية دايماً ، بس يارتنى ما اتأخرت عليها :))
8 Likes
السلام عليكم @Marconmac ,
. شكرا لك على هذه القصة, انها حقا حزينة و مؤثرة
Connect نظرًا على انك جديد على
فقد ترغب في التعريف عن نفسك والتعرف على الآخرين من خلال الموضوع الشهري عرف عن نفسك. كما أنه من الممكن قراءة
.هذه النصائح