Shri Vighnahar Parshwanath Shwetambar Temple 🛕

Shubhu1 · February 8, 2025, 12:12pm

सर्वांना नमस्कार.,
आज एका वेगळ्या विषयावरची पोस्ट तुम्हाला वाचण्यासाठी घेऊन आलेली आहे ती म्हणजे एका पुरातन अशा जैन धर्माच्या मंदिरातील गूढ मूर्तीची…,वाशिम जिल्ह्यातील शिरपूर जैन या गावात ही जैन मूर्ती आहे.,

Location

अंतरिक्ष पार्श्वनाथ मंदिराचा इतिहास पौराणिक कथेनुसार जरा वेगळा ऐकायला मिळतो तो असा की., राजा रावणाचा मेहुणा राजा खरदूषणाने त्याच्या प्रवासादरम्यान वाळूची मूर्ती तयार केली…एका विहिरीत ठेवलेल्या एका मूर्तीचे दैवी शक्तीने चमत्कारिकरित्या रूपांतर झाले. नंतर, चंद्रवंशी राजा श्रीपाल यांनी मूर्ती शोधून काढली, ज्यामुळे शिरपूर शहराची स्थापना झाली.

जुने जाणकार लोकं सांगतात की ह्या मंदिरातील ही भगवान पार्श्वनाथ यांची मूर्ती हवेत तरंगत असायची आणि जमिनीपासून सुमारे सात फूट उंचीवर एका झाडाखाली…ही मूर्ती प्रथमतः दिसली.,तिथून जाणारे लोक घोड्यावर स्वार होऊन पुतळ्याखाली चालू शकत होते किंवा डोक्यावर पाण्याचे भांडे घेऊन जाऊ शकत होते…इतकी ती जमिनीपासून उंचावर आणि तरंगत होती., या असाधारण घटनेमुळे, मूर्तीला “अंतरिक्ष पार्श्वनाथ” म्हणून ओळखले जाऊ लागले, जे तिच्या दिव्य स्थितीचे वर्णन करते…,

मग जसा काळ जात गेला तशी मूर्ती आपोआप खाली येत गेली…काही वर्षांपूर्वी जाड पुस्तकं किंवा ग्रंथ या मूर्ती खालून टाकले तरी ते सहज निघून जायचे.,

खरंतर आजही ती मूर्ती अशीच हवेत अधांतरी त्या ठिकाणी आहे आणि आता त्या मूर्ती खालून एक पेपर किंवा स्टीलची पट्टी जाते.,

ही मूर्ती अशी अधांतरी कशी काय राहते या मागचा गूढ शोधण्यासाठी अनेक इतिहास अभ्यासक आणि संशोधक यांनी प्रयत्न केले पण त्याचा शोध कुणालाही लागला नाही.,

खरंतर इथे गेल्यावर प्रत्येक जण या गोष्टीचाच विचार करतो की ही मूर्ती अधांतरी हवेत अशी राहते तरी कशी…

या मंदिराशेजारी एक नवीन मंदिर बांधण्यात आलेले आहे आणि त्याठिकाणी सर्व 24 तिर्थकरांच्या मुर्त्या बसवलेल्या आहे.,

जगात जैन धर्माचे चार ते पाच दशलक्ष अनुयायी आहेत, त्यापैकी बहुतेक लोकं हे भारतात राहतात.

जैन धर्म हा एक धर्म आहे जो भारतात सहाव्या शतकात ईसापूर्व सुरू झाला…, त्याच्या शिकवणींमध्ये योग्य ज्ञान, योग्य श्रद्धा आणि आत्म्याला मुक्त करण्यासाठी योग्य आचरण यांचा समावेश असतो…जैन धर्मीय लोक पूर्ण अहिंसेच्या मार्गाने चालतात…या मंदिरात या प्रमाणेच सेवा केली जाते.,

मंदिर खूप जुने पुरातन आहे…आणि येथील मूर्तीचा इतिहास मात्र गूढ असाच आहे.,

तुम्हाला या जैन मंदिराविषयी माहिती होतं का…,
किंवा तुम्ही अशा कुठल्या जैन मंदिराला भेट दिली आहे का…मला कमेंट करून सांगा.,

भेटूया परत एका अशाच पोस्ट मधून तोपर्यंत धन्यवाद…

AjitThite · February 8, 2025, 12:45pm

उत्तम वर्णन केले आहे . मी कधी जैन मंदिरात गेलेलो नाही , आणि जास्त पण माहिती नाही पण हे खूप सुंदर आहे , अशी वैविध्यपूर्ण माहिती आमच्याशी शेअर केळ्याबद्दल धन्यवाद , @Shubhu1 .

NareshDarji · February 8, 2025, 1:53pm

Thank you for sharing this interesting information about the ancient Jain temple and its mysterious idol in Shirpur Jain, Washim district.
I appreciate you bringing this unique piece of history to our attention.

TravellerG · February 9, 2025, 1:11pm

Hello dear friend @Shubhu1
Unfortunately, the translator is not working on your post.
I used external translator also but not working… sorry…
Read Ajit Ji and Naresh Ji responses to understand your post.
I have visited Jain temples and aware of some of their customs…
Thank you for notifying me…
Excellent photos and collages… well done…
Regards