Вадохрышчанскія купанні
19 студзеня Праваслаўная Царква адзначае вялікае дванадзесятае свята Вадохрышча. Сваю другую назву – Богаяўленне – свята атрымала таму, што падчас хрышчэння Ісуса ў рацэ Іардан да яго сышоў Святы Дух.
З 19 студзеня і на працягу ўсяго тыдня забаранялася мыць бялізну ў рацэ: у лёдзе на Вадохрышча выразалі палонкі, звычайна ў форме крыжа, у якія акуналіся вернікі. Святую ваду, набраную на Вадохрышча, захоўвалі ўвесь год: ёй акраплялі хату і пілі падчас хвароб або жыццёвых выпрабаванняў.
У Вадохрышчанскую ноч уся вада становіцца гаючай, людзі запасіліся вадой з рэк або асвячалі царкоўную ваду і захоўвалі яе ўвесь год.
Калі на Вадохрышча цёпла і сонечна, такое надвор’е будзе трымацца яшчэ некалькі тыдняў.
У гэты дзень незамужнія дзяўчаты апошні раз варажылі: выходзілі за вароты, каб убачыць першага сустрэчнага. Стары быў не да дабра, а вось малады хлопец - да замужжа.
Адно з папулярных месцаў вадохрышчанскіх купанняў - Крыніца свяціцеля Мікалая Цудатворца ў Лагойску.
Крыніца свяціцеля Мікалая Цудатворца - гэта святая крыніца і дзве купелі, знаходзяцца ля падножжа ўзгорка, на якой стаіць Царква святога Мікалая і каля ракі Гайна. Крыніца асвечана ў імя Мікалая Цудатворца мітрапалітам Мінскім і Слуцкім Філарэтам у 2005 годзе.
Над крыніцай пабудаваны падстрэшак, а сама крыніца абкладзена каменем.
Унутры купелі стаяць лавачка і вешалка, дзе можна распрануцца. У купель вядзе лесвічка з поручнямі. Традыцыйна людзі ў купелі акунаюцца тройчы, пры гэтым кожны раз перахрысціўшыся. Выйшаўшы з купелі, таксама хрысцяцца і прамаўляюць падзяку Богу.
Пра Крыніцу свяціцеля Мікалая Цудатворца ходзяць легенды. Пасля выпітай вады ці акунанні ў хрысцільні вылечваюцца ад шматлікіх хвароб, вядома, усё залежыць не ад колькасці выпітай вады ці лікі акунанняў. Святая крыніца можа дапамагчы, калі чалавек з верай падыходзіць да акунання ці выпівання вады.
За воднымі працэдурамі назіраюць ратавальнікі і дзяжурная брыгада “хуткай дапамогі”. Паблізу месцаў вадохрышчанскіх купанняў арганізаваны гандлёвыя рады з гарачай гарбатай і блінамі, а таксама прапануюць ёмістасці для святой вады, цёплыя ручнікі і нават валёнкі.
Святы i традыцыi: 
Беларусь, Мінск - Новы год Гандлёва-забаўляльны цэнтр Dana Mall
